تصوير الأفلام الوثائقية في السعودية: خطوات بسيطة، ونصائح ذهبية، وكل اللي لازم تعرفه

١. الفكرة والبداية

كل شيء يبدأ من فكرة. جلسة عفوية مع صديق، أو لحظة شفت فيها موقف أثار فضولك. لما تجيك فكرة، اكتبها، واسأل نفسك:

• ليه هالقصة تستحق تُروى؟
• وش الرسالة اللي أبغى أوصلها؟
• وهل في جمهور مهتم يسمعها؟

بعدها ابحث. اقرأ، قابل ناس، اسأل، وتأكد إنك ملم بكل جوانب القصة.

٢. مرحلة التجهيز (ما قبل التصوير)

هذي المرحلة مهمة جدًا. فيها تحدد الأماكن، تختار طاقم العمل، تضبط الميزانية، وتكتب خطة واضحة.

لا تنسى التراخيص. لازم تطلع تصريح تصوير من الهيئة السعودية للأفلام. الأمور صارت أسهل من قبل، لكن تحتاج منك ترتيب وتخطيط.

إذا تبي تتعمق أكثر، شوف هالمقال: مرحلة ما قبل الإنتاج في صناعة الأفلام

٣. وقت التصوير

هنا تبدأ المتعة والتحدي. الكاميرا تشتغل، والمايكات تلتقط الأصوات، والمخرج يضبط اللقطات.

نصايح سريعة:

• احترم البيئة اللي تصور فيها.
• تعاملك مع الناس أهم من جودة الصورة.
• لا تستهين بالتفاصيل الصغيرة: الإضاءة، الصوت، الملابس.

وإذا تبغى أسرار التصوير الاحترافي، لا يفوتك هذا المقال: كيف تصور إعلانات باحتراف؟

٤. ما بعد التصوير

خلصنا تصوير؟ ممتاز. الحين نبدأ مرحلة المونتاج. هذي اللي تطلع فيها القصة بشكلها النهائي.

• قص ولزق اللقطات.
• تعديل ألوان.
• تحسين صوت.
• إضافة موسيقى.
• تصميم مقدمة ونهاية.

وتأكد إنك تجهز نسخ مختلفة للفئات المختلفة: نسخة للمنصات، نسخة للمهرجانات، ونسخة مختصرة للسوشيال ميديا.

شوف بعد: كيف تسوي فيديو ترويجي يشد الناس؟